Plantun de Prouvènço

Pèr coumpara dos planto d'encò nostre

Phalaris arundinacea subsp. arundinacea & Panicum barbipulvinatum

Phalaris arundinacea subsp. arundinacea

Poaceae Graminaceae

Noms en français : Baldingère, Alpiste faux roseau.

Descripcioun :
Lou grame-riban es uno grando planto que douno d'èr à-n-un canèu, subretout li fueio. Fai peréu de rizoumo. Li lengueto soun longo e lis espiguet soun un pau plat, de 4 à 7 mm emé 3 flour, uno ermafroudito e dos esterlo que fan uno escaumo cihado de 1,5 mm.

Usanço :
D'ùni meno de Phalaris caupon de triptamino e d'àutri proudu empouisounant dins si fueio.

Port : Grando erbo
Taio : 0,5 à 1,5(2) m
Fueio : costo paralèlo
Tipe bioulougico : Eloufite
Cicle bioulougico : Planto renadivo

Gènre : Phalaris
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 5 à 25 cm
Flourido : Printèms - Estiéu

Sòu : Ca
Autour basso e auto : 0 à 1400 m
Aparado : Noun
Mai à setèmbre

Liò : Roubino - Palun - Ribiero
Estànci : Termoumediterran à Mesoumediterran
Couroulougi : Bourealo
Ref. sc. : Phalaris arundinacea subsp. arundinacea L., 1753

Mi(-de-ribeirés)

Panicum barbipulvinatum

Poaceae Graminaceae

Noms en français : Panic des rivages, Millet des rivages.

Descripcioun :
Aquéu mi fèr, que nous vèn d'Americo de l'uba, sèmblo proun au mi-prim, Panicum capillare, que se rescontro proun dins lis ermas e li champ à l'autouno. Se n'en destrìo emé sis espigueto de coustat que soun pourtado pèr de pecou courtet (< 3 mm) e que rèston proun proche de la ramo (< 10°). D'un biais generau lis espigueto soun mens aluenchado lis uno dis autro. Apoundèn qu'aquéstis espigueto soun mens grosso e pu fino. Pèr l'ouro es esta vist soulamen dins la valado dóu Rose, mai poudèn pensa qu'aquesto meno vai s'espandi. Coumpara emé lou mi-prim e lis àutri mi se n'avès pas l'usanço.

Usanço :
A bessai li mémis usanço que soun cousin lou mi-prim.